- वि.सं २o७८ फाल्गुण २४ मंगलबार
जापानी विदेश मन्त्रालयले युक्रेनको अवस्थाको सम्बन्धमा रुस र बेलारुसविरुद्ध तेस्रो प्रतिबन्ध प्याकेजको विवरणहरू सार्वजनिक गरेको छ। उसले अन्य २० रुसी र १२ बेलारुसी नागरिकहरूविरुद्ध समेत व्यक्तिगत प्रतिबन्धहरू लगाउनुका साथै थप दुई रुसी र १२ बेलारुसी संगठनविरुद्ध पनि प्रतिबन्ध लगाएको छ।
सशस्त्र बलहरू, कानुन प्रवर्तन एजेन्सीहरू र खुफिया संगठनहरूसहित बेलारुसी रक्षा मन्त्रालयका लागि निर्यात प्रतिबन्ध लगाइएको अन्तर्राष्ट्रिय सञ्चारमाध्यमले जनाएका छन्। व्यक्तिगत प्रतिबन्धहरू विशेषगरी क्रेमलिनका प्रवक्ता दिमित्री पेस्कोभ, चेचेन नेता रमजान कादिरोभ, व्यापारी बोरिस रोटेनबर्ग र अलिशेर उस्मानोभलगायतमाथि लगाइएको हो।
जापानले रुसलाई तेल प्रशोधन गर्ने उपकरण निर्यातमा पनि प्रतिबन्ध लगाएको जापानी विदेश मन्त्रालयले जनाएको छ। रासस/एएनआई
