- वि.सं २o७८ माघ ३ सोमबार
राष्ट्रिय वाणिज्य बैंक सुर्खेत शाखामा कार्यरत कर्मचारीमा कोरोना संक्रमण देखिएपछि बैंकबाट प्रदान गरिने सेवा बन्द गरिएको छ । आइतबार बैंकका कर्मचारीमा कोराना पुष्टि भएकाले सोमबारदेखि बैंकिङ सेवा अवरुद्ध भएको हो । बैंकमा कार्यरत १८ जना कर्मचारीमध्ये १० जनामा कोरोना पुष्टि भएको बैंकले जनाएको छ ।
१० जना कर्मचारीमध्ये एकजनामा गम्भीर लक्षण देखिएको र बाँकी नाैजना कर्मचारी होम आइसोलेसनमा रहेको बैंकका प्रमुख लीलाराम ढुंगानाले बताए । ‘एकजना सुरक्षार्थ खटिने सुरक्षागार्डलाई प्रदेश अस्पतालस्थित कोरोना विशेष अस्पतालमा भर्ना गरिएको छ,’ उनले भने, ‘चार दिनका लागि बैंकिङ सेवा अवरुद्ध हुन सक्छ ।’
