- वि.सं २o७८ पौष २३ शुक्रबार
पछिल्लो २४ घन्टामा कोरोना संक्रमित हुनेको संख्या बढेको छ। स्वास्थ्य तथा जनसंख्या मन्त्रालयको पछिल्लो अद्यावधिक तथ्यांकअनुसार शुक्रबार थप नाै सय ६८ जनामा कोरोना संक्रमण देखिएको छ। देशभर आठ हजार दुई सय ७२ जनामा पिसिआर र ६ हजार ६ सय ९९ जनामा एन्टिजेन परीक्षण गरिएको थियो।
बिहीबार पाँच सय ४० जनामा कोरोना संक्रमण देखिएको थियो। तर, शुक्रबार संक्रमितको संख्या ह्वात्तै बढेको छ। कोरोना संक्रमणका कारण पछिल्लो २४ घन्टामा मृत्यु हुनेको संख्या भने शून्य छ। सोही अवधिमा दुई सय ६२ जना संक्रमित निको भएका छन्। हाल देशभर सक्रिय संक्रमितको संख्या पाँच हजार सात सय ४१ जना रहेको छ।
