- वि.सं २o७८ पौष ७ बुधबार
नेपाल उत्पीडित जातीय मुक्ति समाज हुम्लाले अन्तरजातीय विवाह गर्ने चन्द्र कामीलाई बेपत्ता बनाएको विषयमा जिल्ला प्रशासन कार्यालयको ध्यानाकर्षण गराएको छ । समाजले मंगलबार विज्ञप्ति जारी गर्दै जातीय विभेद गर्नेमाथि कारबाही गर्न प्रमुख जिल्ला अधिकारी गणेश आचार्यको ध्यानाकर्षण गराउँदै ज्ञापनपत्र बुझाएको छ ।
‘दलित समुदायकै भएका कारणले चन्द्र कामीलाई अपहरण गरी विवाहलाई बिथोल्ने र उनलाई बेपत्ता पार्ने जुन अमानवीय कार्य भएको छ । यस प्रकारको घटनाप्रति निन्दा तथा भत्र्सना गर्दै बेपत्ता परिएका व्यक्तिको सकुशल उद्धार गरिनुपर्छ,’ ज्ञापनपत्रमा भनिएको छ । घटनामा संलग्न व्यक्तिहरूको चाँडोभन्दा चाँडो पहिचान गरी उनीहरूलाई कानुनी दायरामा ल्याउन माग गरिएको संगठनका अध्यक्ष लालधन टमटाले बताए ।
