- वि.सं २o७८ मङ्सिर २७ सोमबार
अमेरिकाको टेक्सास राज्यमा गोली चल्दा कम्तीमा एकजनाको मृत्यु भएको छ। देशको दक्षिणी क्षेत्रमा भएको घटनामा परी अन्य १४ जना घाइते भएकाे अधिकारीहरूले जानकारी दिएका छन्। घाइते भएकामध्ये एकजनाको घटनास्थलमै मृत्यु भएको बताइएको छ। बाँकी तीनजनाको अवस्था गम्भीर रहेको चिकित्सकहरूलाई उदृत गर्दै अन्तर्राष्ट्रिय सञ्चारमाध्यमले जनाएका छन्।
सबै घाइतेको स्थानीय अस्पतालमा उपचार भइरहेको छ। घटना आइतबार राति भएको हो। भिडभाड र हल्ला भइरहेको वेला अज्ञात व्यक्तिले गोली प्रहार गरेको अधिकारीहरूले जानकारी दिएका छन्। घटनाका बारेमा विस्तृत अनुसन्धान भइरहेको समाचारमा जनाइएको छ। रासस/एएनआई
