- वि.सं २o७८ मङ्सिर २२ बुधबार
कांग्रेस वरिष्ठ नेता रामचन्द्र पौडेल पक्षको बैठक गौशाला स्थित अनुपम फुडल्यान्डमा सुरु भएको छ । केहीबेरअघि सुरु बैठकमा नेताहरू चन्द्र भण्डारी, जीवन परियार र रामशरण महत, जिल्ला सभापति ,निवर्तमान जिल्ला सभापति ,प्रदेश सभापति, प्रदेशमा उम्मेदवार बनेकाहरू र केन्द्रीय सदस्यहरू सहभागी छन् ।
१४औँ महाधिवेशनमा संस्थापनइतर पक्षबाट साझा उम्मेदवार बनाउन नेताहरू यतिवेला दबाबमा छन् । संस्थापनइतरबाट सभापतिका लागि वरिष्ठ नेता रामचन्द्र पौडेल, केन्द्रीय सदस्यद्वय प्रकाशमान सिंह र डा. शेखर कोइरालाले आफ्नो अडान कायमै राखेका छन् । तर, आजको बैठकमा भने सभापतिका एक आकांक्षी पौडेल मात्र सहभागी छन् ।
