- वि.सं २o७८ मङ्सिर २ बिहीबार
कानुन व्यवसायी र प्रधानन्यायाधीश चोलेन्द्रशमशेर जबरा पक्षधरबीच झडप भएको छ। प्रधानन्यायाधीश जबराको राजीनामाको माग गर्दै विगत दुई हप्ताभन्दा बढी समयदेखि निरन्तर प्रदर्शन गर्दै आएका कानुन व्यवसायी र प्रधानन्यायाधीश जबरा पक्षधरबीच नेपाल बार परिसरमा बिहीबार झडप भएको हो।
प्रधानन्यायाधीश जबरा पक्षधर चारजना कानुन व्यवसायीको प्रदर्शनमा छिरेर कानुन व्यवसायीमाथि अपशब्द प्रयोग गरेपछि झडप भएको हो। उनीहरूले कानुन व्यवसायीलाई ‘कोट च्यातेर जलाइदिने’ भन्दै धम्कीसमेत दिएको बताइएको छ। झडपपछि सर्वोच्च अदालतको स्थिति तनावग्रस्त बनेको छ।
