- वि.सं २o८१ पौष १ सोमबार
एनसेलले एक विशेष साप्ताहिक फ्ल्यास सेल्स अफर सार्वजनिक गरेको छ । यो योजनाले प्याक लिएर अफरमा सहभागी हुने प्रत्येक ग्राहकलाई प्रत्येक शनिबार डेटा वा भ्वाइस टक टाइम बोनस प्रदान गर्नेछ । शनिबारका दिन मात्र उपलब्ध हुने यो अफरले ग्राहकलाई विनाकुनै अतिरिक्त शुल्क थप सेवा प्रदान गर्ने कम्पनीले जनाएको छ ।
२२ मंसिरबाट सञ्चालनमा आएको यो अफर १३ पुससम्म लागू हुनेछ । यो अवधिको हरेक शनिबार ग्राहकले ‘सधैँ अन’का निश्चित प्याक र अनलिमिटेड डेटा प्याकको खरिदमा बोनस डेटा वा भ्वाइस टक टाइम प्राप्त गर्नेछन् । प्याकका आधारमा ग्राहकले १ जिबीदेखि १० जिबी डेटा वा १० देखि १०० मिनेटसम्मको अननेट टक टाइम बोनसका रूपमा प्राप्त गर्ने कम्पनीको भनाइ छ ।
एनसेल एपमार्फत ग्राहकले यो अफरको फाइदा लिन सक्नेछन् । प्रत्येक शनिबार, ग्राहकले एनसेल एपको फ्ल्यास सेल्स सेक्सनमा गई सधैँ अन वा अनलिमिटेड डेटा प्याकहरू खरिद गर्न सक्छन् र खरिदपश्चात् तत्काल बोनस डेटा वा टक टाइम प्राप्त गर्न सक्छन् । यो अफर सधैँ अनका ३९९ देखि ९९९ रुपैयाँसम्मका प्याक र ५०, १२५ तथा ९९९ रुपैयाँको अनलिमिटेड डेटा प्याकमा उपलब्ध हुनेछ ।
प्याक सुचारु भएसँगै ग्राहकले बोनस डेटा र टक टाइम प्राप्त गर्नेछन् । त्यसैगरी, अनलिमिटेड डेटा प्याक खरिद गर्ने ग्राहकले पनि बोनस टक टाइम प्राप्त गर्छन् ।
