- वि.सं २o७८ कार्तिक २६ शुक्रबार
निर्वाचन अधिकृतले राजीनामा दिएपछि नेपाली कांग्रेस सर्लाही जिल्लाको अधिवेशनमा अन्योलता देखिएको छ। निर्वाचन अधिकृत तोकिएका विनोद कार्कीले राजीनामा दिएपछि जिल्लाको अधिवेशन अन्योलपूर्ण बनेको हो।
कांग्रेस केन्द्रीय निर्वाचन समितिले अधिवेशनका लागि उनलाई जिल्ला निर्वाचन अधिकृतको रूपमा खटाएको थियो। उनले अधिवेशन गराउने वातावरण नभएको भन्दै शुक्रबार राजीनामा दिएका हुन्।
‘जिल्लामा सबै पक्षसँग छलफल गरेर निर्वाचन प्रक्रियाअगाडि बढाउन खोजेकोमा सहमति नजुटी निर्वाचनको वातावरण नभएकाले पदबाट राजीनामा दिएको छु।’उनले राजीनामापत्रमा भनेका छन्। सर्लाहीमा शनिबार वडा अधिवेशनको मिति तय गरिएको छ।
