- वि.सं २o७८ कार्तिक ८ सोमबार
नाबालकहरूलाई साथमा राखी यौनजन्य गतिविधि गरेको आरोपमा प्रहरीले एक क्यानेडियन नागरिकलाई पक्राउ गरेको छ । तीनजना बालकलाई साथमा राखी विभिन्न प्रलोभन देखाई अप्राकृतिक मैथुन तथा बालबालिकाविरुद्धको कसुर गरेको आरोपमा ४४ वर्षीय रोवट किनकेलीलाई पक्राउ गरिएको कास्कीका प्रहरी प्रमुख रमेश थापाले जानकारी दिए ।
पोखरा महानगरपालिका–६ लेकसाइडमा नाबालकहरूलाई ललाई–फकाई, डरत्रास, धाकधम्की तथा विभिन्न प्रलोभनमा पारी यौनजन्य गतिविधि गर्दै आएको भन्ने सूचनाका आधारमा खटिएको प्रहरी टोलीले उनलाई पक्राउ गरेको हो ।
छापा मार्ने क्रममा तीन नाबालकहरूलाई साथमा राखी यौनजन्य गतिविधि गर्दै गरेको अवस्थामा प्रहरीले उनलाई फेला पारेको थापाले जानकारी दिए । प्रहरीले तत्कालै उनलाई पक्राउ गरी नाबालकहरूको उद्धार गरेको थियो ।
