मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ असोज ३० शनिबार
  • Saturday, 16 October, 2021
२०७८ असोज २ शनिबार १३:०४:००
Read Time : < 1 मिनेट
मुख्य समाचार डिजिटल संस्करण

कानमा लगाएको सुन लुट्न २३ वर्षे नातिले गरे हजुरआमाको हत्या

Read Time : < 1 मिनेट
२०७८ असोज २ शनिबार १३:०४:००

कानमा लगाएको सुनका लागि बझाङमा ८५ वर्षीया वृद्धाको हत्या भएको छ। जिल्लाको दुर्गाथली गाउँपालिका–५ घर भएकी रिखीदेवी जप्रेलको हत्या भएको छ।

हत्या आरोपमा उनको नाति २३ वर्षीय सुवास जप्रेल पक्राउ परेका छन् । नाति सुवासले गत भदौ २७ गते बिहान ९ बजेको समयमा हँसिया प्रहार गरी हजुरआमा रिखीदेवीको हत्या गरेको जिल्ला प्रहरी कार्यालय बझाङका डिएसपी रूपक खड्काले जानकारी दिए ।

डिएसपी खड्काका अनुसार हत्यापश्चात् उनको कानमा रहेको सुनको दुईवटा मुन्द्रा र नाकमा रहेको एउटा मुन्द्री लगी सोही दिन बिक्री गरेको खुलेको छ । सुवासले सोही दिन साँझ ७ बजेको समयमा पुनः घटनास्थलमा गई लासलाई खाडलमा पुरेको बयान दिएको उनले जानकारी दिए ।

घटनापछि निजलाई भाग्दै गरेको अवस्थामा प्रहरीले बझाङ दुर्गाथली गाउँपालिका–७ को लौवादेव डाँडाबाट पक्राउ गरेको छ। निजविरुद्ध कर्तव्य ज्यान मुद्दामा अदालतबाट सात दिनको म्याद थप अनुमति लिई थप अनुसन्धान अघि बढाएको प्रहरीले जनाएको छ।