- वि.सं २o७८ भदौ ३० बुधबार
सशस्त्र प्रहरीले मेड इन जर्मन लेखिएको अटोमेटिक पेस्तोल र त्यसमा लाग्ने गोलीसहित एक अभियुक्तलाई पक्राउ गरेको छ । पक्राउ पर्नेमा तारकेश्वर–३ का २४ वर्षीय सोनाम तामाङ रहेका छन् । उनलाई सशस्त्रको टोलीले बुधवार साँझ सितापाइला छाउनी मार्गस्थित रक चिल्ली रेस्टुरेन्टबाट पक्राउ गरेको हो । हतियार लिएर हिँडेको विशेष सूचनाका आधारमा सशस्त्रका टोलीले उनलाई पक्राउ गरेको स्रोतका भनाइ छ ।
