- वि.सं २o७८ भदौ २२ मंगलबार
नेपाल चार्टर्ड एकाउन्टेन्ट्स अफ नेपाल (आइक्यान) ले बोटलर्स नेपाल (तराई) लिमिटेडलाई जेनेरल सेक्टरअन्तर्गत ‘बेस्ट प्रिजेन्टेड एनुअल रिपोर्ट २०२० अवार्ड’बाट सम्मानित गरेको छ । उत्कृष्ट प्रस्तुतीकरण, विस्तृत प्रकटीकरण र आर्थिक वर्ष ०७६/७७ को वार्षिक रिपोर्टको प्रस्तुतिमा उत्कृष्टताका लागि सम्मान प्रदान गरिएको हो ।
अघिल्लो वर्ष बोटलर्स नेपाल लिमिटेड त्यही श्रेणीमा उपविजेता भएको थियो । कर्पोरेट प्रशासन र अनुपालन बोटलर्स नेपाल (तराई) लिमिटेडको डिएनएमा आन्तरिक प्रक्रियाहरू र स्थापित पद्धतिको एक परिणामका रूपमा स्थापित रहेको कम्पनीले जनाएको छ । २०२० का लागि यो अवार्ड कर्पोरेट प्रशासन र अनुपालन मापदण्ड दुवै बोटलर्स नेपाल लिमिटेड र बोटलर्स नेपाल (तराई) लिमिटेडद्वारा लागू गरिएको प्रमाण भएको कम्पनीको दाबी छ ।
इन्स्टिच्युट अफ चार्टर्ड एकाउन्टेन्ट्सका अध्यक्ष सिए मदन शर्माले कम्पनीको कन्ट्री फाइनान्स म्यानेजर राजीव टन्डन र बोटलर्स नेपालका फाइनान्स कन्ट्रोलर अशोक मण्डललाई प्रदान गरेको कम्पनीले जनाएको छ ।
