- वि.सं २o७८ भदौ १८ शुक्रबार
कोभिड– १९ संक्रमणका कारण लामो समयदेखि बन्द रहेको मनकामना केबलकार २० गते आइतबारदेखि सञ्चालनमा आउने भएको छ। जिल्ला प्रशासन कार्यालय गोर्खाले तोकेको स्वास्थ्य सुरक्षाका मापदण्ड पालना गर्दै केबलकार सञ्चालन गर्न लागिएको केबलकार सञ्चालक कम्पनी मनकामना दर्शन प्रा.लि.ले जनाएको छ।
कम्पनीले केबलकारमा यात्रा गर्ने सम्पूर्ण यात्रुहरूलाई स्वास्थ्य सुरक्षाका मापदण्ड पालना गर्न आग्रहसमेत गरेको छ। कोरोना भाइरस संक्रमण बढेपछि बन्द रहेको केबलकार लामो समयपछि सञ्चालनमा आउन लागेको हो।
