लमजुङको मर्स्याङ्दी गाउँपालिका– ९ सेग्लेमा आगलागी हुँदा एक दम्पतीको मृत्यु भएको छ । सेग्लेमा धन्सारमा बस्दै आएका वर्ष ५६ का धर्मराज भण्डारी र उनकी श्रीमती ५० वर्षीया पशुपति भण्डारीको मृत्यु भएको प्रहरीले जनाएको छ । उनीहरूको घटनास्थलमै मृत्यु भएको हो । घरमा राखिएको खाना पकाउने ग्यास विस्फोट भएर आगलागी भएको हुन सक्ने प्रहरीको अनुमान छ ।
खुदी प्रहरी चौकीको टोली र जिल्ला प्रहरी कार्यालय लमजुङका इन्स्पेक्टर जगदीश रेग्मीको प्रहरी टोली अनुसन्धानका लागि घटनास्थल पुगेकाे छ । जिल्ला प्रहरी कार्यालय लमजुङका प्रहरी प्रमुख डिएसपी कृष्णबहादुर कार्कीले रातिको समयमा आगलागी भएकाले छिमेकीले समेत थाहा नपाएको र घरभित्रै दम्पतीको जलेर मृत्यु भएको बताए।