- वि.सं २o७८ भदौ २ बुधबार
नेपालका लागि हुन्डाईको आधिकारिक वितरक लक्ष्मी इन्टरकन्टिनेन्टल प्रालिले अल न्यू आई–२०को टेस्ट ड्राइभ कार्यक्रम आयोजना गरेको छ । भर्खरै मात्र लन्च भएको गाडीको अल न्यू आई–२० मिडिया टेस्ट ड्राइभ गरिएको हो ।
कार्यक्रममा उक्त गाडीका विशेषताको बारेमा जानकारी दिइएको कम्पनीले जनाएको छ । एक हप्ताअघि सार्वजनिक भएको उक्त गाडीले बजारमा विश्वास जित्ने लक्ष्मी इन्टरकन्टिनेन्टलको विश्वास रहेको छ । उक्त गाडी टाइफुन सिल्बर, टाइटन ग्रे, मेटालिक कपर, स्टार्री नाइट, पोलर ह्वाइट र फायरी रेड रङमा उपलब्ध रहेको जनाइएको छ ।
नेपालमा म्याग्ना र स्पोर्टज् मोडल उपलब्ध रहेको र यसको मूल्य ३६ लाख ९६ हजार रुपैयाँ र ४१ लाख ९६ हजार रुपैयाँ रहेको कम्पनीले जनाएको छ । कम्पनीले नेपालभरि १४ सोरुम तथा १८ सर्भिस सेन्टरमार्फत ग्राहकहरूलाई सेवा प्रदान गरिरहेको जनाएको छ ।
