नेकपा एमाले नेता भीम रावलले सांसद पदबाट दिएको राजीनामा फिर्ता लिएका छन्। उनले संसद् सचिवालयबाट समेत आज राजीनामा फिर्ता लिएका हुन्। उनले आइतबार प्रतिनिधिसभा बैठक बस्नुअघि सांसद पदबाट राजीनामा दिएका थिए ।
यस्ताखालका राजनीतिक अनैतिक क्रियाकलापमा संलग्न हुन नचाहेको भन्दै उनले पदबाट राजीनामा दिएका थिए।
उनको राजीनामालाई लिएर उनकै पार्टीका सांसदहरूले असन्तुष्टि व्यक्त गरेका थिए। बिहीबार उनले सांसद पदबाट गरेको राजीनामा फिर्ता गर्ने घोषणा गरेका थिए। रावलले दिएको राजीनामाप्रति एमाले अध्यक्ष केपी ओलीले समेत असन्तुष्टि व्यक्त गरेका थिए।
यसअघि एमाले वरिष्ठ नेता माधव नेपालले रावललाई निवासमा पुगेर भेटेका थिए।