जिल्ला कारागार सोलुखुम्बुका एक कैदीको मृत्यु भएको छ । जबर्जस्ती करणी मुद्दामा कैद भुक्तान गरिरहेका सोताङ गाउँपालिका– ४ का अर्जुन नाछिरिङ राईको मृत्यु भएको हो । 

जिल्ला अदालत सोलुखुम्बुले राईलाई जबर्जस्ती करणी मुद्दामा १६ जेठ ०७७ मा पुर्पक्षका लागि कारागार चलान गरेको थियो । शरीर दुख्ने, बान्ता हुने समस्या देखिएपछि उनलाई बुधबार बिहान उपचारका लागि जिल्ला अस्पताल फाप्लु लगिएको थियो । 

उपचारकै क्रममा उनको मृत्यु भएको जिल्ला प्रहरी कार्यालय सोलुखुम्बुका प्रहरी निरीक्षक महेन्द्र दर्नालले बताए ।