नेपाल चलचित्र तथा सांस्कृतिक प्रतिष्ठानले आयोजना गर्दै आइरहेको नेपाल अन्तर्राष्ट्रिय चलचित्र महोत्सव (निफ) आगामी वैशाखमा हुने भएको छ । महोत्सव आगामी २३ देखि २७ वैशाखसम्म पाँच दिन चल्नेछ ।

महोत्सवमा सहभागिता जनाउने गरी ५२ देशबाट चार सय ५० फिल्म आएका थिए । यी फिल्महरूमध्ये ३१ देशका ६३ फिल्म छनोट भएको विज्ञाप्तिमा उल्लेख छ ।

महोत्सवमा सहभागी फिल्महरू फिचर, डकुमेन्ट्री, सर्ट फिल्मलगायत विधाका छन् । फिचर फिल्म इनटरनेसनल, लाइभ एक्सन सर्ट फिल्म इन्टरनेसनल, डकुमेन्ट्री, इमिनेटेड सर्ट फिल्म, राष्ट्रिय फिचर फिल्म र सर्ट फिल्मलगायत विधामा प्रतिस्पर्धा हुनेछन् । प्रत्येक विधाका उत्कृष्ट चलचित्रले पुरस्कार पाउनेछ । उत्कृष्ट फिचर फिल्मले गौतमबुद्ध अवार्ड, ट्रफी र साथमा एक हजार पाँच सय अमेरिकी डलर पुरस्कार पाउनेछ ।