मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७८ बैशाख १ बुधबार
  • Wednesday, 14 April, 2021
रासस/सिन्ह्वा लन्डन
२०७७ माघ १० शनिबार १३:४५:००
Read Time : < 1 मिनेट
विश्व

कोरोना भाइरसको नयाँ प्रजाति पहिलेको भन्दा धेरै खतरनाक– प्रधानमन्त्री जोनसन

Read Time : < 1 मिनेट
रासस/सिन्ह्वा लन्डन
२०७७ माघ १० शनिबार १३:४५:००

बेलायतका प्रधानमन्त्री बोरिस जोनसनले कोरोना भाइरसको नयाँ प्रजातिको संक्रमण पहिलेको भन्दा धेरै खतरनाक भएको बताएका छन् । पछिल्लो समयमा बेलायतमा कोरोना भाइरसका संक्रमित दिनप्रतिदिन बढ्दै गएको वेला प्रधानमन्त्री जोनसनले यस्तो चेतावनी दिएका हुन् । 

प्रधानमन्त्री जोनसनले भनेका छन् कि यो भाइरस पहिलेको भन्दा धेरै नै खतरनाक छ त्यसैले सबै नागरिकले पहिलेको भन्दा अझ बढी सुरक्षा मापदण्ड अपनाउनुपर्ने हुन्छ । शुक्रबार डाउनिङ स्ट्रिटमा आयोजित पत्रकार सम्मेलनका क्रममा उनले यस्तो धारणा राखेका हुन् । उनले यो भाइरस पहिलोपटक गत महिना मात्र इंग्ल्यान्डकाे केन्टमा देखिएको बताए । 

उनले सो क्रममा भनेका थियो कि नयाँ प्रजातिको भाइरस पुरानोभन्दा कम्तीमा पनि ७० प्रतिशत बढी संक्रमण फैलिने खालको छ । बेलायतमा कोरोना भाइरसको सक्रमणबाट पछिल्लो २४ घन्टामा मात्रै एक हजार आठ सय २० जनाको मृत्यु भएको समाचारमा जनाइएको थियो । बेलायतका स्वास्थ्य अधिकारीहरूले गत बुधबार मात्र यहाँ त्यति धेरै नागरिकको ज्यान कोरोना भाइरस संक्रमणबाट भएको जानकारी दिएका थिएका हुन् । बेलायतका स्वास्थ्यसम्बन्धी अधिकारीहरूले बेलायतमा कोरोना भाइरसको संक्रमण सुरु भएदेखि अहिलेका केही सातायता धेरैजनाको ज्यान जान थालेको बताउने गरेका छन् ।

पछिल्लो समयमा यो संक्रमण युरोपकै कैयौँ सहरमा पुगिसकेकाे पाइएको छ । यसका कारण ती देशमा थप सतर्कता अपनाउन थालिएको छ । तर, ती देशहरूमा खोप पनि दिन थालिएकाले नागरिकमा आशा पलाएको भने बताइएको छ । युरोपेली युनियनले आगामी अगस्ट महिनाको अन्तिमसम्ममा विभिन्न युरोपेली देशका करिब ७० प्रतिशत नागरिकलाई यो खोप दिइसकिने जानकारी गराएको छ ।

प्रधानमन्त्री जोनसनले यहाँका कम्तीमा पनि ३८ हजार नागरिक संक्रमित भएर अस्पतालमा रहेको बताएका  न् ।