- वि.सं २o७७ पौष २३ बिहीबार
नेकपा प्रचण्ड–नेपाल समूहका अध्यक्ष माधवकुमार नेपालले आफूलाई पार्टी एक रहँदाका अध्यक्ष केपी ओलीले खेदेको खेदै गरेको बताएका छन् ।
देश डुब्न लाग्यो भन्ने संसदमा दिएको अभिव्यक्तिपछि ओलीले खेदेको उनले बताए ।
प्रचण्ड–नेपाल समूहले आज बिहीबार नागरिक समाजसँगको अन्तर्क्रियामा उनले पार्टीभित्रको धेरै पीडा बोकेर आफू हिँडेको बताएका हुन् ।
आफ्नो पीडा पोख्ने ठाउँ पनि नपाएको उनको भनाइ छ । उनले प्रधानमन्त्री ओलीले चालेको कदम केवल व्यक्तिको प्रवृत्तिभन्दा पनि केपी प्रवृत्ति भएका बताए ।
यो निरंकुश र तानाशाही प्रवृत्ति भएकाले संयुक्त रूपमा संघर्ष गर्नुपर्ने बताए ।
पहिलाको सात दलको संघर्ष एक गराउन नागरिक समाजले खेलेको भूमिका खेलेझैँ अहिले पनि उक्त विषय आवश्यक रहेको बताए ।
