- वि.सं २o७७ कार्तिक १५ शनिबार
भारतको दिल्लीमा गएको २४ घन्टामा अहिलेसम्मकै धेरै संक्रमित थपिएका छन् ।
सरकारी अधिकारीहरूले दिएको जानकारीअनुसार दिल्लीमा शुक्रबार एकैदिनमा पाँच हजार आठ सय ९१ जना नयाँ संक्रमित भेटिएका हुन् । यो संख्या अहिलेसम्मकै सबभन्दा धेरै हो ।
दिल्ली प्रदेशमा कोरोना भाइरसबाट अहिलेसम्म तीन लाख ८१ हजार ६ सय ४४ जना संक्रमित भएका छन् ।
दिल्लीमा यसअघि गत बिहीबार पाँच हजार सात सय ३९ जना नयाँ संक्रमित भेटिएका थिए । बुधबार पाँच हजार ६ सय ७३ जना भेटिएका थिए ।
सरकारी अधिकारीहरूले सार्वजनिक गरेको विवरणअनुसार शुक्रबार दिल्लीबाट चार हजार चार सय ३३ जना संक्रमणमुक्त भएका छन् ।
दिल्लीमा अहिलेसम्म संक्रमणमुक्त भएकाहरूको संख्या तीन लाख ४२ हजार आठ सय ११ पुगेको छ। कोरोना संक्रमणबाट दिल्लीमा अहिलेसम्म ६ हजार चार सय ७० जनाले ज्यान गुमाएका छन् ।
