- वि.सं २o७७ असोज ११ आइतबार
प्रधानमन्त्री केपी शर्मा ओलीले आज मध्याह्न १२ बजे मन्त्रिपरिषद्को आकस्मिक बैठक आह्वान गरेका छन् । अध्यक्ष पुष्पकमल दाहाल प्रचण्डसँग मन्त्रिपरिषद् पुनर्गठनबारे बालुवाटारमा छलफल गरिरहेका प्रधानमन्त्री ओलीले आकस्मिक बैठक बोलाएका हुन् ।
ओली र प्रचण्डबीच अहिले प्रधानमन्त्रीनिवास बालुवाटारमा मन्त्रिपरिषद् पुनर्गठनमा केन्द्रित रहेर छलफल चलिरहेको छ ।
उच्च स्राेतका अनुसार भौतिक पूर्वाधार तथा यातायात, ऊर्जा जलस्राेत तथा सिँचाइ, उद्योग वाणिज्य तथा आपूर्ति र शिक्षा विज्ञान तथा प्रविधि मन्त्रालयमध्येबाट फुटाई मन्त्रिपरिषद् पुनर्गठन गर्नेबारेमा अहिले बालुवाटारमा दुई अध्यक्षबीच छलफल चलिरहेको छ ।
उनीहरूबीच एक सातायता लगातार मन्त्रिपरिषदमा केन्द्रित रहेर छलफल हुँदै आएको छ ।
