Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ मङ्सिर १७ बुधबार
  • Wednesday, 02 December, 2020
ad
नयाँ पत्रिका काठमाडाैं
२०७७ असोज ९ शुक्रबार ०५:३०:००
विश्व प्रिन्ट संस्करण

जन्मदर बढाउने जापान सरकारको नयाँ योजना

नयाँ पत्रिका, काठमाडाैं
२०७७ असोज ९ शुक्रबार ०५:३०:००

अहिलेकै क्रममा जन्मदर घट्ने हो भने भविष्यमा जापान रित्तिने विज्ञहरूको अनुमान

विकासमा ठूलो फड्को मारेको जापानले पछिल्लो दशक एउटा ठूलो समस्याको सामना गरिरहेको छ, न्यून जन्मदर । अहिलेकै क्रममा जन्मदर घट्ने हो भने भविष्यमा जापान रित्तिने विज्ञहरूको अनुमान छ । यही समस्याको समाधान खोज्ने प्रयासस्वरूप जापानले नवविवाहित जोडीका लागि आर्थिक सहयोगको घोषणा गरेको छ । आगामी अप्रिलदेखि विवाह गर्ने नयाँ जोडीले ६ लाख प्राप्त गर्ने सरकारले घोषणा गरेको छ । 

जापानमा मान्छेहरू कामप्रति निकै समर्पित हुन्छन् । लामो समयसम्म कार्यालयमा काम गर्छन् । काममै व्यस्त हुँदा धेरै जापानी ढिला विवाह गर्ने वा अविवाहित नै रहने चलन बढेको छ । उनीहरूको यही जीवनशैलीका कारण जन्मदर घट्दो अवस्थामा देखिएको हो । सोही कारण जापान सरकारले नवविवाहितलाई सहयोग कार्यक्रमको घोषणा गरेको हो । सरकारको योजनाअनुसार नवविवाहित जोडीले आफ्नो नयाँ जीवन सुरुवात गर्न सरकारबाट ६ लाख रकम प्राप्त गर्नेछन् ।

जापानले यो कार्यक्रमलाई व्यापक बनाएर देशमा चाँडै विवाह गर्नेको संख्या बढाउने योजना बढाएको ‘द जापान टाइम्स’ले उल्लेख गरेको छ । यसका लागि सरकारले केही विशेष मापदण्ड तय गरेको छ । मापदण्डअनुसार यो सुविधा लिन चाहने बेहुला र बेहुली दुवैजना विवाह गर्ने समयमा ४० वर्षभन्दा कम उमेरको हुनुपर्नेछ । जापानका केही स्थानीय तहमा यो कार्यक्रम यसअघिबाटै लागू थियो । 

छुटाउनुभयो की ?