Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ असोज ५ सोमबार
  • Monday, 21 September, 2020
नयाँ पत्रिका काठमाडौं
२०७७ श्रावण ४ आइतबार ११:५१:००
समाचार डिजिटल संस्करण

प्रहरी अप्रेसन : लागुऔषध कारोबारी खोज्दा नक्कली नेपाली नोट भेटियो

नयाँ पत्रिका, काठमाडौं
२०७७ श्रावण ४ आइतबार ११:५१:००

लागुऔषध नियन्त्रण ब्युरो (एनसिबी)बाट केही दिनअघि ठूला लागुऔषध कारोबारी पक्राउ गर्ने लक्ष्यसहित एक टोली बारामा खटिएको थियो । 

लामो प्रयत्नपछि प्रहरीले उक्त शंका गरिएको समूहले लागुऔषधको कारोबार गर्ने नभई नक्कली नोट आपूर्ति गर्ने गरेको फेलापरेको हो । उनीहरूबाट प्रहरीले मात्रामा नक्कली नोट बरामद गरेको छ । 

बाराको  महागढीमाई  नगरपालिका– २ बरियापुरस्थित सडक किनारमा ना.५४प ३८०५ नम्बरको मोटरसाइकलसहित  तीनजनालाई प्रहरीले १५ लाख ४४ हजार चार सय नक्कली नेपाली रुपैयाँसहित पक्राउ गरेको हो । 

साथै उनीबाट एक लाख ८३ हजार ६ सय ५० भारतीय रुपैयाँ पनि बरामद भएको प्रहरीले जनाएको छ । 

पक्राउ पर्नेहरूमा भारतीय नागरिक सुधीरकुमार कुसहवा, बाराका मनोज साह तेली र नरेन्द्रप्रसाद कुसहवा छन् ।  

उनीहरू लागुऔषध कारोबारमा आबद्ध रहेको सूचनाका आधारमा ब्युरोबाट डिएसपी प्रेम शाहीको नेतृत्वमा एक टोली बारा पुगेको थियो । 

सोही टोलीले उनीहरूलाई पक्राउ गरेको हो । पक्राउ परेकाहरूमाथि थप अनुसन्धान भइरहेको प्रहरीले जनाएको छ ।