कोरोना भाइरसको जोखिम व्यवस्थापन गर्न सरकारलाई कांग्रेसको ध्यानाकर्षण
कोरोना भाइरसबाट नेपाल उच्च जोखिममा रहेको भन्दै नेपाली कांग्रेस संसदीय दलले आवश्यक व्यववस्थापन गर्न सरकारको ध्यानाकर्षण गराएको छ ।
आइतबार प्रमुख सचेतक बालकृष्ण खाणले एक विज्ञप्ति निकाल्दै सरकारको ध्यानाकर्षण गराएका हुन् ।
‘चीनको उहानबाट फैलिएको कोरोना भाइरस आधा दर्जन जति देशमा फैलिसकेकोे छ । नेपाल पनि कोरोना भाइरसबाट उच्च जोखिममा रहेको छ । यसबाट नेपालीको सुरक्षाका लागि नेपाल सरकारलाई गम्भीरतापूर्वक आवश्यक व्यवस्थापन गर्न नेपाली कांग्रेस संसदीय दल माग गर्दछ,’ जारी विज्ञप्तिमा उल्लेख छ ।
उहान शहरमा अध्ययनरत नेपाली विद्यार्थी लगायत व्यवसायमा रहेका नेपालीको समेत उच्च जोखिममा रहेकोले उनीहरूलाई यथाशीघ्र उद्धारका लागि पनि आवश्यक व्यवस्था गर्न पनि विज्ञप्तिमार्फत् सरकारको ध्यानाकषर्ण गराइएको छ ।