मुख्य समाचारसमाचारदृष्टिकोणअर्थअन्तर्वार्तामल्टिमिडियानयाँCityखेलकुदविश्वकोरोना अपडेटप्रवासब्लगकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीसाहित्यराजनीतिशिक्षाब्लाे अपपर्यटनसेयर बजारफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगप्रविधिप्रदेशटर्निङ प्वाइन्ट्स-२०२०
  • वि.सं २०७७ जेठ १२ सोमबार
  • Monday, 25 May, 2020
२०७६ असार २६ बिहीबार १९:४०:००
मुख्य समाचार

डिएसपी भन्दै ठगी गर्ने भगौडा सिपाही पक्राउ

२०७६ असार २६ बिहीबार १९:४०:००

नेपाल प्रहरीको केन्द्रीय अनुसन्धान ब्यूरो (सिआइबी)को डिएसपी भन्दै ठगी गर्ने धादिङ धुनिवेशी नगरपालिका–२ का ३८ वर्षीय राजेन्द्र प्रसाद लुइटेललाई प्रहरीले पक्राउ गरेको छ । महानगरीय प्रहरी वृत्त थानकोटबाट खटिएका प्रहरी टोलीले उनलाई पक्राउ गरेको हो । 

प्रहरी वृत्त थानकोटका प्रमुख डिएसपी कुमार विक्रम थापाका अनुसार उनलाई प्रहरीले नगार्जुन नगरपालिका–७ सितापाइलाबाट पक्राउ गरिएको हो । उनकाे साथबाट एक थान रेडियो सेट बरामद गरेकाे जानकारी दिए । अनुसन्धानपछि लुइटेल सशस्त्र प्रहरीको भगौडा जवान भएकाे प्रहरीले जानकारी दिए ।

अनुसन्धानमा खटिएका वृत प्रमुख डिएसपी थापाले भने, ‘चन्द्रागिरी नगरपालिका–१५ बस्ने लुइटेलले सोही स्थानका बिजय तामाङलाई सेकुरेटी कम्पनी रहेको र कम्पनीमा ५ प्रतिशत सेयर हाल्न भन्दै १ लाख ६० हजार माग गरेको पाइयो ।  यस क्रममा उनले १० हजार रुपैयाँ दिइसकेको रहेछ । घटना सम्बन्धमा थप अनुसन्धान हुँदै छ ।’