- वि.सं २o८१ फाल्गुण ७ बुधबार
कञ्चनपुरको लालझाडीमा जंगली हात्ती मृत फेला परेको छ । बुधबार बिहान ७ बजेतिर लालझाडी गाँउपालिका-४ जाई गाँउ सडक किनारमा हात्ती मृत फेला परेको हो । बृद्ध हात्ती मृत फेला परेपछि स्थानीयले प्रहरी, वनका कर्मचारीलाई खबर गरेका थिए ।
डिभिजन वन कार्यालय कञ्चनपुरका प्रमुख रामबिहारी चौधरीले जंगली हात्ती मृत फेला परेको बताए । उनले हात्तीको मृत्युको कारण बुझ्नका लागि प्राविधिक टोली सहित घटनास्थल जान लागेको बताए ।
गत असोजदेखि जंगली हात्तीले लालझाडी क्षेत्रमा मानिसदेखि भौतिक संरचना र अन्नबालीमा क्षति पुर्याउन थालेपछि स्थानीय त्रसित भएका थिए । आज बिहानै यस क्षेत्रमा जंगली हात्ती मृत फेला परेपछि स्थानीय झन् त्रसित भएका छन् ।
