- वि.सं २o८१ फाल्गुण ४ आइतबार
भारतको राजधानी नयाँदिल्लीस्थित एक रेलवे स्टेसनमा शनिबार राति भएको भागदौडका क्रममा परी मृत्यु हुनेको संख्या १८ पुगेको छ । विश्वको सबैभन्दा ठुलो धार्मिक जमघट महाकुम्भ मेलामा जान रेल चढ्न भेला भएका धार्मिक पर्यटकबिच रेल चढ्ने क्रममा भागदौड भएको हो ।
उत्तरी सहर प्रयागराजमा हुने कुम्भ मेलाले प्रत्येक १२ वर्षमा दसाैँ लाख हिन्दु धर्मावलम्बीहरूलाई आकर्षित गर्दछ । फेब्रुअरी २६ मा समाप्त हुने उक्त कार्यक्रमका लागि रेल चढ्नका लागि भिडले संघर्ष गरिरहेका वेला नयाँदिल्लीको रेल स्टेसनमा भागदौड भएको हो ।
घटनामा अन्य ११ जना घाइते भएका छन्। तीमध्ये अधिकांशको अवस्था स्थिर रहेको र हाडजोर्नीमा चोट लागेको नयाँदिल्लीस्थित लोकनायक अस्पतालकी डेपुटी मेडिकल सुपरिटेन्डेन्ट डा. रितु सक्सेनाले एएफपीसँग बताइन् ।
