- वि.सं २o८१ माघ ५ शनिबार
म्याग्दीका प्रखर प्रत्यक्ष दोहोरी गायक हरिप्रसाद पौडेलको लोकदोहोरी गीत ‘कस्तो अभागी’ सार्वजनिक भएको छ । ८औं म्याग्दी महोत्सवमा शुक्रबार ‘कस्तो अभागी’ विमोचन गरिएको हो । दर्शकले खचाखच महोत्सवमा म्याग्दीबाट निर्वाचित प्रतिनिधिसभा सदस्य खम्बीर गर्बुजा र उद्योग वाणिज्य संघ म्याग्दीका अध्यक्ष तथा महोत्सवका मूलसंयोजक सुबिन श्रेष्ठले लोकदोहोरी गीत विमोचन गरे ।
हरिप्रसाद पौडेलको शब्द, शारदा रसाइलीको लय र नारायण दंगालको एरेञ्ज रहेको गीतमा हरिप्रसाद पौडेल र शारदा रसाइलीले स्वर दिएका छन् । गीतको म्युजिक भिडियोसमेत शुक्रबारै सार्वजनिक गरिएको छ ।
म्युजिक भिडियोमा मोडेलहरू विमल अधिकारी, सारिका केसी, विजयप्रकाश पौडेल, मिलन केसी, हरिप्रसाद पौडेल, गीता रेग्मीलगायतले अभिनय गरेका छन् ।
वियोगान्त कथालाई मार्मिक शब्द तथा लयमा उनिएको लोकदोहोरी गीतको म्युजिक भिडियोको निर्देशन मिलन श्रेष्ठले गरेका हुन् । मिलन फिल्म्स प्रोडक्सनले उत्पादन गरेको म्युजिक भिडियोको सम्पादन रोशन धितालले गरेका हुन् ।
