- वि.सं २o८१ माघ ४ शुक्रबार
वरिष्ठ अधिवक्ता दिनेश त्रिपाठीमाथि जिल्ला अदालत, काठमाडौंअगाडि हातपात गर्ने युवकको विवरण प्रहरीले सार्वजनिक गरेको छ । पक्राउ परेका व्यक्ति दोलखाको तामाकोशी गाउँपालिका वडा नम्बर १ स्थायी घर भई हाल ललितपुरको महालक्ष्मी ५ टीकाथली बस्ने ४८ वर्षीय ललितकुमार केसी भएको जिल्ला प्रहरी परिसर, काठमाडौंले जनाएको छ ।
उनीविरुद्ध ज्यान मार्ने उद्योग मुद्दामा कारबाही अघि बढेको काठमाडौं परिसरका एसपी नवराज अधिकारीले बताए । त्रिपाठीमाथि हातपात गर्ने अन्य व्यक्तिको खोजी भइरहेको प्रहरीले जनाएको छ।
