साफ महिला च्याम्पियनसिपको उद्घाटन खेलमा भारतले पाकिस्तानलाई दबाबमा राखेको छ। दशरथ रंगशालामा प्रतियोगिताको पहिलो खेलको पहिलो हाफ सकिँदा भारतले ४–१ गोल अन्तरले अग्रता लिएको छ।
खेलको चौथो मिनेटमा ग्रेस डाङमेइले भारतलाई अग्रता दिलाइन्। १६औँ मिनेटमा मनीषा र ३५औँ मिनेटमा बालादेवी न्याङगोमले भारतका लागि एक–एक गोल थपे।
४२औँ मिनेटमा मारिया जमिला खानको गोलमा भारत ४–० को अवस्थामा हुँदा ४६औँ मिनेटमा पाकिस्तानकी सुहा हिरानीले एक गोल फर्काइन्।