- वि.सं २०८१ बैशाख १४ शुक्रबार
गर्मी ह्वात्तै बढेको छ । यसबाट जोगिन मानिसहरुले विभिन्न उपाय निकालिरहेका छन् । तापक्रम ४५ डिग्रीसम्म पुगेपछि भारत अहमदावादकी एक महिलाले भने विचित्रको तरिका अपनाएकी छन् ।
सेजल शाह नामकी महिलाले गर्मीबाट जोगिन आफ्नो कारलाई गोबरले पोतेकी छन् । उनको दाबी छ कि, यसो गरेपछि एसीबिनै पनि कारलाई शितल राख्न मद्दत पुगेको छ ।
एसियन न्युज इन्टरनेशनल (एएनआई) सँगको कुराकानीमा शाहले भनेकी छन्, ‘गर्मी सहिनसक्नुको छ । मैले मेरो घरको जमिन पनि गाईको गोबरले पोतेकी छु । त्यो अनुभवका आधारमा कारलाई चिसो राख्न गोबर पोतेकी हुँ ।’
