सोमबारदेखि काठमाडौंमा हुने भनिएको एसियाली मुलुकका बिमा नियमनकारी निकायहरूको सम्मेलन स्थगित भएको छ । एसियन फोरम अफ इन्स्योरेन्स रेगुलेटरको १८औँ अन्तर्राष्ट्रिय सम्मेलन तथा वार्षिक बैठक २१–२३ असोजसम्म काठमाडौंमा तय गरिएको थियो ।
तर, अविरल वर्षाका कारण नेपालका विभिन्न स्थानमा बाढी तथा पहिरोबाट असहज अवस्था सिर्जना भएको भन्दै एसियन फोरम अफ इन्स्योरेन्स रेगुलेटरको सचिवालयले सम्मेलन स्थगित गर्न पत्र पठाएको थियो । त्यसपछि उक्त कार्यक्रम स्थगित गरिएको प्राधिकरणका प्रवक्ता सुशीलदेव सुवेदीले बताए ।