- वि.सं २o८१ असोज १२ शनिबार
सिटिजन्स बैंकले प्रधानमन्त्री राहत कोषमा २५ लाख रुपैयाँ सहयोग गरेको छ। बाढी पहिरो प्रभावितको राहत तथा उद्दारमा सहयोग पुर्याउन बैंकले राहत कोषमा उक्त रकम दिएको हो । विगत दुई दिनदेखि परेको अत्यधिक वर्षाका कारण देशका विभिन्न भागमा आएको बाढी र पहिरोले ठूलो मात्रामा जनधनको क्षति पुर्याएको छ ।
सिटिजन्स बैंकका प्रमुख कार्यकारी अधिकृत गणेशराज पोखरेलले बैंक आफ्नो सामाजिक उत्तरदायित्वअन्तर्गत बाढीपीडितहरूको सहयोगमा जुटिरहेको बताए। ‘हामी हाम्रो सीमित स्रोतसाधनबाट सकेको सहयोग गरिरहेका छौं र यो रकम प्रधानमन्त्री राहत कोषमार्फत आवश्यक ठाँउमा पुर्याइनेछ, उनले भने ।
बैंकले देशभर रहेका आफ्ना शाखाहरूबाट बाढी प्रभावित क्षेत्रमा विभिन्न राहतकार्यमा सहयोग गरिरहेको जानकारी दिएको छ। साथै, बैंकले अन्य संघसंस्थालाई पनि विपद्मा पीडितहरूको सहयोगका लागि अघि बढ्न आह्वान गरेको छ।
2024-09-18-01-30-27.gif)
2024-09-18-01-30-29.gif)
