रुपन्देहीमा २९ किलो गाँजासहित तीनजना महिला पक्राउ परेका छन् । जिल्ला प्रहरी कार्यालय रुपन्देहीका अनुसार बुटवल उपमहानगरपालिका– २ भीमसेनपथबाट तीनजना पक्राउ परेका हुन् ।
लागुऔषध कारोबार हुँदै छ भन्ने गोप्य सूचनाको आधारमा इलाका प्रहरी कार्यालय बुटवलबाट खटिएको प्रहरी टोलीले भीमसेनपथ बस्ने वर्ष ५७ की बुद्धलक्ष्मी खड्कीको घरकोठा रितपूर्वक खानतलासी गर्दा अवैध गाँजासहित उनीहरूलाई पक्राउ गरेको छ ।
पक्राउ पर्नेहरूमा भीमसेनपथ बस्ने वर्ष ५७ की बुद्धलक्ष्मी खड्की, सोही ठाउँ बस्ने वर्ष ३४ की हिना शाही खड्की र दैलेख महाबु गाउँपालिका– ४ बस्ने वर्ष २३ की रिहा शाही ठकुरी रहेका छन् । उनीहरूलाई नियन्त्रणमा लिई जिल्ला अदालत रुपन्देहीबाट ६ दिन म्याद थप भई आवश्यक अनुसन्धान भइरहेको जिप्रकाले जनाएको छ ।