![](https://nayapatrika.blr1.cdn.digitaloceanspaces.com/news/images/nic2024-07-01-12-07-19.jpeg)
एनआइसी एसिया बैंकले पोखरामा एक कार्यक्रमबीच आइतबार मास्टर कार्ड जारी गरेको छ । बैंकले भुक्तानी प्रणालीलाई थप सशक्त बनाउन मास्टर कार्डसँगको सहकार्यमा कार्ड जारी गरेको बैंकका गण्डकी प्रदेश प्रमुख दीपेन्द्र शर्माले जानकारी दिए ।
बैंकले हालसम्म भिसा कार्डबाट सेवा प्रदान गरिरहेकोमा अब मास्टर कार्डबाट समेत सेवा प्रदान गर्ने शर्माले बताए । डेबिट कार्डका रूपमा प्रयोग गर्न सकिने कार्ड बैंकका सम्पूर्ण शाखा कार्यालयबाट ग्राहकले प्राप्त गर्न सक्छन् । कार्ड लिने ग्राहकका लागि पहिलो वर्ष निःशुल्क र त्यसपछि भिसा कार्डमा सेवा शुल्क लाग्ने शर्माले बताए ।
बैंकका चिफ डिजिटल स्टार्टेजी अफिसर नरेन्द्र मैनालीका अनुसार कार्डमार्फत प्रयोगकर्ताले नेपाल, भारत र भुटानबाट एटिएम विथ ड्रलका साथमा पस तथा इ–कमर्स भुक्तानीलगायतका सेवा उपभोग गर्न सक्छन् । डलर कार्डमार्फत विश्वका दुई सय १० मुलुकमा पनि प्रयोग गर्न सकिने मैनालीले बताए ।