![](https://nayapatrika.blr1.cdn.digitaloceanspaces.com/news/images/prabh2024-07-03-10-16-53.jpeg)
प्रभु इन्स्योरेन्सले हकप्रद सेयर जारी गर्ने भएको छ । कम्पनीले बिमा प्राधिकरणले तोकेको चुक्ता पुँजी पुर्याउन १०० रुपैयाँ अंकित दरमा ८३ लाख ५० हजार १३५.४४ कित्ता हकप्रद जारी गर्न लागेको हो ।
कम्पनीले ८३ करोड ५० लाख १३ हजार पाँच सय ४४ रुपैयाँबराबरको उल्लिखित कित्ता हकप्रद निष्कासनका लागि एनआइसी एसिया क्यापिटल लिमिटेड र प्रभु इन्स्योरेन्सबीच दुईपक्षीय सम्झौता गरेको छ । सम्झौताअनुसार एनआइसी एसिया क्यापिटलले हकप्रद सेयर निष्कासन तथा बिक्री प्रबन्धककोे काम गर्नेछ ।
उक्त सम्झौतापत्रमा प्रभु इन्स्योरेन्सका प्रमुख कार्यकारी अधिकृत (सिइओ) सञ्चित बज्राचार्य र एनआइसीका सिइओ रामेन्द्र रायमाझीले हस्ताक्षर गरेका छन् ।