![](https://nayapatrika.blr1.cdn.digitaloceanspaces.com/news/images/pahiro.2024-06-26-08-40-52.jpeg)
बागलुङमा पहिरोले घर पुरिँदा दुईजनाको मृत्यु भएको छ। उक्त घटनामा दुईजना घाइते भएका छन्। गलकोट नगरपालिका–८ काँडेबाँसका बिसौनीका ५५ वर्षीय प्रेम विक र उनकी श्रीमती ५० वर्षीया वसन्ती विकको मृत्यु भएको हो।
पहिरोले घर पुरिँदा प्रेमकी बुहारी कुमारी र नाति शिशिर घाइते भएकाे जिल्ला प्रहरी कार्यालय बागलुङका सूचना अधिकारी एवं प्रहरी नायब उपरीक्षक विजय यादवले जानकारी दिए।
अहिले घटनास्थलमा प्रहरी टोली पुगेर उद्धारमा जुटेको छ। गएराति ३ बजे पहिरो गएको गलकोट नगरपालिका–८ का वडासदस्य लोकनाथ कँडेलले बताए। घाइतेलाई उद्धार गरी अस्पताल पठाइएको छ।