- वि.सं २o८o फाल्गुण ८ मंगलबार
नेकपा एमालेको केन्द्रीय कमिटी बैठक पार्टी कार्यालय च्यासलमा सुरु भएको छ। बिहीबारसम्म चल्ने बैठकमा महासचिव शंकर पोखरेलले ६ वटा एजेन्डा छलफलका लागि प्रस्ताव गरेका छन्।
जनपरिचालन र जनदबाबका कार्यक्रम, संगठन शुद्धीकरण र सुदृढीकरण, सांगठनिक प्रतिवेदन, जनआधारित कार्यकर्ता पार्टी निर्माणका समस्या र कार्ययोजना, अध्यक्षको समसामयिक राजनीतिक सम्बोधन र समसामयिक राजनीतिक प्रस्ताव छलफलको कार्यसूची रहेको प्रचार विभाग प्रमुख राजेन्द्र गौतमले बताए। अहिले अध्यक्ष केपी ओलीले सम्बोधन गरिरहेका छन्।
