- वि.सं २o८१ बैशाख २२ शनिबार
राष्ट्रिय वाणिज्य बैंकले घर खरिद, घर निर्माण तथा जग्गा खरिदका लागि ‘मेरो घरकर्जा’ नामक नयाँ कर्जा योजना ल्याएको छ । बैंकले बेसरेटमा एक दशमलव २० प्रतिशत मात्र प्रिमियम जोडेर पाँच करोड रुपैयाँसम्म कर्जा दिने योजना ल्याएको हो ।
जसअनुसार हाल बैंकको बेसरेट ८ दशमलव २५ प्रतिशत रहेकाले उक्त कर्जा ९ दशमलव ४५ प्रतिशतमै पाइने बैंकले जनाएको छ । उपभोक्ता कर्जा निर्देशिका, २०७७ बमोजिम ल्याइएको उक्त योजनाअनुसार बढीमा २० वर्षका लागि कर्जा लिन सकिने उल्लेख छ । मासिक किस्ताबन्दीमा भुक्तानी गर्नुपर्ने उक्त कर्जा बैंकका देशभरका सबै शाखाबाट प्राप्त हुने जनाइएको छ ।
