कामना सेवा विकास बैंकले जुत्ता सर्भिस बुथ हस्तान्तरण गरेको छ । बैंकले  काठमाडौं महानगरपालिका वडा नं ३ सँगको सहकार्यमा कामनपा–३ को रानीबारी चोकमा जुत्ता मेन्डरका लागि सर्भिस बुथ निर्माण गरी हस्तान्तरण गरेको हो । सो क्षेत्रमा अव्यवस्थित तवरले बस्ने जुत्ता मेन्डरका लागि आफ्नो पेसालाई सहज र व्यवस्थित बनाउन बुथ निर्माण गरिएको बैंकले 
जनाएको छ । 

उक्त बुथको उद्घाटन काठमाडौं महानगरपालिका वडा नं ३ की वडासदस्य सीता थापाले गरेकी छिन् । हस्तान्तरण कार्यक्रममा बोल्दै वडासदस्य थापाले अव्यवस्थित तवरले जुत्ता पालिस तथा मर्मत गर्ने व्यक्तिलाई व्यवस्थित बनाउन बैंकले गरेको सहयोगको सराहना गरिन् । उक्त बुथ रानीबारीस्थित जुत्ता मेन्डर उपेन्द्र दासलाई हस्तान्तरण गरिएको थियो । 

यो सहयोगले जुत्ता मेन्डरलाई व्यवस्थित स्थान प्रदान गरी उनीहरूको आफ्नो जीविकोपार्जन गर्न सहयोग पुग्ने बैंकले विश्वास लिएको छ ।