- वि.सं २o७९ असार २४ शुक्रबार
कामना सेवा विकास बैंक लिमिटेडले आफ्ना ग्राहकलाई डिजिटल माध्यममार्फत सर्वसुलभ तथा अत्याधुनिक डिजिटल बैंकिङ सेवा प्रदान गर्ने उद्देश्यले अनलाइन पोर्टल ‘केएस डिजिवल्र्ड’ सार्वजनिक गरेको छ । बैंकले मंगलबारदेखि केएस डिजिवल्र्ड सार्वजनिक गरी सेवा सञ्चालनमा ल्याएको हो ।
यो सेवा लागू भएपछि बैंकका ग्राहकले बैंकको वेबसाइट वा मोबाइल एपमार्फत एकद्वार प्रणालीमार्फत घरैमा बसी अनलाइन सेवाहरू प्राप्त गर्न सक्ने जनाइएको छ ।
डिजिवल्र्डमा अनलाइन खाता, अनलाइन ऋण आवेदन, अनलाइन डिम्याट र मेरो सेयर, अनलाइन कार्ड रिक्वेस्ट, अनलाइन क्युआर रिक्वेस्ट, अनलाइन ग्राहक केन्द्र सेवालगायतका सेवाहरू उपलब्ध हुने बैंकले जनाएको छ । साथै, बैंकले आगामी दिनहरूमा समेत अन्य अनलाइन सेवाहरू थप गर्दै जाने योजना बनाएको छ ।
