- वि.सं २o८o माघ १२ शुक्रबार
आइसिसी यू–१९ विश्वकप क्रिकेट प्रतियोगिताअन्तर्गत अफगानिस्तानविरुद्धको खेलमा नेपालले टस हारेको छ।
दक्षिण अफ्रिकाको इस्ट लन्डनस्थित बफेलो पार्कमा भर्खरै भएको टसमा अफगानिस्तानका कप्तान नासिर खानले टस जितेर पहिला ब्याटिङ रोजेका छन्। यससँगै अब नेपालले पहिला फिल्डिङ गर्ने भएको छ। नेपाल र अफगानिस्तान यू–१९ विश्वकपमा पहिलोपटक आमने–सामने हुन लागेका हुन्।
समूह चरणको आफ्नो अन्तिम खेलमा नेपाल आज अफगानिस्तानलाई जित्नैपर्ने दबाबमा छ। प्रतियोगिताको सुपर सिक्समा प्रवेश गर्नका लागि पनि नेपाललाई जित्नैपर्ने दबाब रहेको हो।
