- वि.सं २o८o असार ८ शुक्रबार
काठमाडौं र ललितपुरको सिमाना बनेर बगेको बागमती खोला किनार कुनै समय हिँड्नै नसकिने थियो । फोहोरका थुप्रा, पानी भरिएका सडकका खाल्डा अनि असुरक्षित लाग्ने ती करिडोरको मुहार अहिले फेरिएको छ । सौन्दर्यकरणपछि अहिले थापाथलीदेखि बल्खुसम्मको करिडोर निकै मनमोहक देखिन्छन् ।
करिडोर दुवैतर्फ पर्खाल बनाएर मानिसहरूलाई बिहान बेलुकी जगिङ र शीतलमा बस्नका लागि सहज बनाइदिएको छ। सार्वजनिक शौचालय, बस्नका लागि विश्रामस्थल, सोलार बिजुली अनि ढुंगा छापिएका पैदल मार्गले मानिसहरूलाई समय बिताउने उपयुक्त स्थान करिडोर क्षेत्र बनेका छन् ।
सुरुवाती समयमा ललितपुर महानरपालिकाले मात्रै आफ्नो क्षेत्रमा पर्ने करिडोरलाई सौन्दर्यीकरण गरेकोमा पछिल्लो समय काठमाडौं महानगरपालिकाले पनि यसलाई अग्रता दिएको छ । नयाँ पत्रिकाको क्यामेरामा कैद केही तस्बिर :
