- वि.सं २o८o असार ५ मंगलबार
आइसिसी एकदिवसीय विश्वकप ग्लोबल छनोटअन्तर्गत समूह चरणको दोस्रो खेलमा नेपाल र अमेरिका भिड्दै छन्।
टस जितेर पहिले फिल्डिङ रोजेको नेपालले बलिङमा उत्कृष्ट प्रदर्शन गरेपछि अमेरिकन ब्याटिङ लाइनअप धर्मराएको छ।
सुरुवातमै दुई सफलता दिलाएका करनले नै तेस्रो र चौथो विकेट लिएका छन्। करनको ब्याकअफ लेन्थ बलमा पन्च गर्ने क्रममा आरोन जोनेसले कुशल भुर्तेललाई क्याच थमाए । यो तेस्रो विकेट थियो।
लगत्तै अर्को ओभरमा करनले चौथो विकेट लिए। उनले आफ्नो पहिलो ओभरको पाँचौँ र छैटौँ बलमा लगातार विकेट दिलाएका थिए।
इन्सुइङ बलमा नब्स टेलरलाई एलबिडब्लू धरापमा पारेका उनले लगत्तै सैतेजा मुक्कामल्लालाई आरिफ सेखको हातबाट स्लिपमा समाउन लगाए।
तस्बिर : आइसिसी/गेट्टी इमेज
