- वि.सं २o८o बैशाख २१ बिहीबार
नेपाल दूरसञ्चार प्राधिकरणले सम्पूर्ण सम्पत्ति हस्तान्तरण गर्न स्मार्ट टेलिकम प्रालिलाई निर्देशन दिएको छ । प्राधिकरणले स्मार्टको अनुमति स्वतः खारेज भएको सूचना जारी गर्दै सम्पत्ति हस्तान्तरण गर्न भनेको हो ।
ललितपुरको कुमारीपाटीस्थित स्मार्ट टेलिकम प्रालिले संस्था नवीकरणका लागि नियमानुसार दस्तुरसहित निवेदन पेस नगरेकाले स्वतः खारेज भएको नेपाल दूरसञ्चार प्राधिकरणले जनाएको छ ।
प्राधिकरणले आज सूचना प्रकाशित गरी उक्त सेवाका सम्बन्धमा अनुमतिपत्र बहाल नरहेको दूरसञ्चार सेवा प्रदायकको सम्पत्ति व्यवस्थापन नियमावली, २०७९ को नियम ९ को उपनियम (१) बमोजिम दूरसञ्चारका पूर्वाधार, संरचना,सञ्जाललगायत सामग्री चालु अवस्थामै प्राधिकरणलाई हस्तान्तरण गर्न पनि भनेको छ ।
