- वि.सं २o७९ चैत २३ बिहीबार
विराटनगर महानगरपालिका पोखरियामा रहेको विष्णुमाया पुस्तकालयले निःशुल्क डिजिटल साक्षरता शिक्षा प्रदान गर्न थालेको छ । आमसर्वसाधारणलाई प्रविधिबारे सचेत गराउन पुस्तकालयले एकमहिने डिजिटल साक्षरता शिक्षा प्रदान गर्न थालेको हो ।
पुस्तकालयको आफ्नै सभाहलमा १९ चैतदेखि आयोजना गरिरहेको डिजिटल साक्षरता शिक्षाका लागि दैनिक ३० भन्दा बढी व्यक्ति आउने गरेका अध्यक्ष केशव गौतमले बताए । गौतमका अनुसार डिजिटल कक्षा पढ्न आउनेहरूमा युवा र प्रौढ उमेरका कर्मचारी, शिक्षक, व्यवसायी र सामाजिक क्षेत्रमा सक्रिय व्यक्तिहरू रहेका छन् ।
विष्णुमाया पुस्तकालयले ०७२ सालदेखि हरेक वर्ष सामुदायिक विद्यालयका गरिब विद्यार्थीलाई निःशुल्क ट्युसन सञ्चालन गर्दै आएको छ । ०२४ सालमा स्थापना भएको यस पुस्तकालयले ई–लाइब्रेरी पनि सञ्चालनमा ल्याएको छ ।
2024-09-18-01-30-27.gif)
2024-09-18-01-30-29.gif)
