१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o७९ चैत १५ बुधबार
  • Tuesday, 16 July, 2024
दीपक भट्ट रामेछाप
२o७९ चैत १५ बुधबार १५:१३:oo
Read Time : < 1 मिनेट
ad
ad
ad
ad
मुख्य समाचार डिजिटल संस्करण

सामुदायिक वनको आगो बस्तीमा सल्किँदा घर जलेर नष्ट

Read Time : < 1 मिनेट
दीपक भट्ट, रामेछाप
नयाँ पत्रिका
२o७९ चैत १५ बुधबार १५:१३:oo

गएराति मन्थली नगरपालिका– ५ सुनारपानीको सालघारी सामुदायिक वनमा लागेको आगो बस्तीमा पस्दा एक घर जलेर पूर्ण रूपमा नष्ट भएको छ। 

जंगलमा लागेको आगो अकस्मात् बस्तीमा पस्दा सुनारपानी मचबारीका यमबहादुर मगरको घर जलेर पूर्ण रूपमा नष्ट भएको हो। त्यसैगरी आगलागीमा परी सोही घरमा बाँधिरहेको एउटा गोरु पनि जलेको मन्थली नगरपालिका– ५ सुनारपानीका वडाध्यक्ष रविन कार्कीले जानकारी दिए। 

उनका अनुसार तीन दिनदेखि सालघारी सामुदायिक वनमा लागेको आगो अझै नियन्त्रणमा आउन सकेको छैन। गएराति सामुदायिक वनबाट बस्तीमा पसेको आगो नेपाली सेना, सशस्त्र प्रहरी, नेपाल प्रहरी र स्थानीयसहितको टोलीले नियन्त्रणमा लिए पनि जंगलमा लागेको आगो भने अझै लागिरहेको अध्यक्ष कार्कीले बताए। 

गएराति एकैदिन मन्थली नगरपालिकाको वडा नम्बर १, ३, ५, ८ का विभिन्न सामुदायिक वनमा आगलागी भएको छ। 

आगलागीबाट करोडौँ मूल्यबराबरको काठ जलेर पूर्ण रूपमा नष्ट भएको छ भने सामुदायिक वनमा रहेका विभिन्न प्रजातिका चराचुरुंगी र जंगली जनावर जलेका छन्। पछिल्लो केही दिनयता रामेछापका विभिन्न सामुदायिक वनमा आगलागीका घटना बढ्दै गएका छन्। 

    

 

ad
ad
ad
ad