- वि.सं २o७९ पौष ७ बिहीबार
साधारण सेयरको प्राथमिक निष्कासन (आइपिओ) जारी गर्ने तयारीमा रहेको नर्भिक इन्टरनेसन हस्पिटलले ४० प्रतिशत लाभांश वितरण गर्ने निर्णय गरेको छ । अस्पताल सञ्चालक समितिले आर्थिक वर्ष ०७८–७९ को नाफाबाट आफ्ना सेयरधनीलाई ४० प्रतिशत लाभांश वितरण गर्ने निर्णय गरेको हो ।
घोषित कुल लाभांशमध्ये २० प्रतिशत बोनस सेयर र कर प्रयोजका लागि समेत गरी २० प्रतिशत नगद लाभांश रहेको जनाइएको छ । हाल नर्भिक अस्पतालको चुक्तापुँजी २२ करोड ५० लाख रुपैयाँ रहेको उल्लेख छ । सञ्चालक समितिको निर्णयअनुसार अस्पतालले चार करोड ५० लाख रुपैयाँबराबरको बोनस सेयर वितरण गर्ने तथा कर प्रयोजनका लागि आवश्यक सहित चख करोड ५० लाख रुपैयाँबराबरकै नगद लाभांश बाँड्ने अस्पतालले जनाएको छ । घोषित लाभांश वितरणपछि नर्भिक अस्पतालको चुक्तापुँजी २७ करोड रुपैयाँ पुग्ने जनाइएको छ ।
कम्पनीको आगामी वार्षिक साधारणसभाबाट लाभांश वितरणसम्बन्धी प्रस्ताव अनुमोदन भएपछि कार्यान्वयनमा आउनेछ । गत वर्ष नर्भिकले ५० प्रतिशत बोनस सेयर वितरण गरेको जनाएको छ । अस्पताल दुई वर्षअघि पब्लिक लिमिटेडमा हस्तान्तरण भइसकेको छ । आइपिओ निष्कासनको योजनासहित पब्लिक लिमिटेडमा हस्तान्तरण हुने नर्भिक अस्पताल निजी क्षेत्रबाट सञ्चालित देशकै पहिलो अस्पताल भएको दाबी गरिएको छ ।
